इंदिरा गांधी गार्डन स्कूलचे 2 विद्यार्थी जिल्हास्तरीय मार्शल आर्ट स्पर्धेत विजयी

चंद्रपूर : एज्युकेशन अँड कल्चरल सोसायटी संचलित इंदिरा गांधी गार्डन स्कूलच्या 2 विद्यार्थ्यांनी जिल्हास्तरीय मार्शल आर्ट स्पर्धेत बाजी मारली आहे. 14 वर्षांखालील वयोगटातील विजेते काव्य कुंटेवार (इयत्ता 6 वी) आणि सौम्यता शृंगारपवार (इयत्ता 9 वी) यांची विभागीय स्तरावरील स्पर्धेसाठी निवड झाली आहे.

क्रीडा व युवक सेवा संचालनालय, पुणे, जिल्हा क्रीडा अधिकारी कार्यालय, जिल्हा क्रीडा परिषद आणि चंद्रपूर महानगरपालिका यांच्या संयुक्त विद्यमाने चंद्रपूर महानगरपालिका व संपूर्ण जिल्ह्यातील शाळांसाठी थांग-ता मार्शल आर्ट स्पर्धेचे आयोजन करण्यात आले होते. जिल्हा क्रीडा संकुलात आयोजित या स्पर्धेत शहरातील अंदाजे 20 शाळेतील शाळांमधील जवळपास 150 विद्यार्थ्यांसहित सपूनर जिल्यातील विद्यार्थ्यांनी सहभाग घेतला.

दोन्ही विजेत्यांनी स्पर्धेत प्रत्येकी 5 फेऱ्या खेळल्या व प्रत्येक फेरियांती आपल्या विरोधी खेळाडूंना पराजित करून आपापल्या गटात प्रथम स्थान पटकाविला. शाळेचे क्रीडा शिक्षक विशाल चव्हाण व रेशमा पठाण यांनी स्पर्धेच्या तयारीसाठी मार्गदर्शन केले. विजेत्या विद्यार्थ्यांचा शाळेत मुख्याध्यापक बावानी जयकुमार यांच्या हस्ते सत्कार करण्यात आला. शाळेच्या संचालन समितीचे उपाध्यक्ष राहुल पुगलिया, समितीचे पदाधिकारी व सदस्य, शाळेचे प्रशासक जयकुमार सर, सर्व शिक्षक व कर्मचारी यांनी विजेत्या विद्यार्थ्यांचे अभिनंदन केले आहे.